كولنا فاش كنوضو من نعاس, كنحسو بعضامنا كيضرونا وبواحد دوخة , بحالا منعسناش كااع, انقولكم السبب.
النعاس عند الانسان كيدوز من 3 دلمراحل, الا مشيتي فقتي فالمرحلة الغلط, هزك لما, كتمنى كون غا منعستيش.
المرحلة لولا هي بين 15 تال 20 دقيقة, الا فقتي فهاد المرحلة, مكتحس لا بعيا لا بوالو, بيس, وهي ما احسن المراحل لي تقدر تفيق فيهم.
المرحلة التانية هي بين 30 تال 45 دقيقة, الا زغبك الله. فيق فهاد الوقت, هي من اخيب المراحل, كتفيق فيها مدهشر وكاره كولشي, بمعنى كتكون ساخط نيت ههه ( بغيتها لشي وحدين
😑 )المرحلة التالتة هي من بعد 800 دقيقة, فهاد اللحظة كتبدا تحلم وداكشي, والا فقتي فيها كنوض فرحان وناشط وباغي تعيش لحياة, كيطلع لك لمورال
😀, ولكن حنا لمغاربة لعكس ههه كتكون كتحلم بشي حاجة زوينة, شي ساطة و لعيبات, تا كتجي مووك, كتقولك, فيق فيق فيق 8 هادي 
😢 ههه غي ضاحك.مهم هاد المراحل كيبداو كيتعاودو, كيساليو 3 و كيبدار 3 خرين بحالهم, الوغ راك واخا تنعس 100 سوايع وتفيق فالمرحلة التانية, غي عول على نهار كحل هه.
كيفاش اندير باش نبدا نفيق فالمرحلة الاولى ولا التالتة؟
هاد السيت كدخل فيه لوقت لي بغيتي تفيق فيه وهوا كيعطيك الاوقات لي خصك تنعس فيهم باش تفيق مزيان وتحس براسك نورمال وتجنب المرحلة التانية المكروهة.
الموقع : http://sleepyti.me
كاينا واحد الابليكاسيون سميتها SLEEP AS ANDROIDD, ولكن ماشي مجانية للاسف, تاهية كدير نفس لخدمة دسيت